Насловот на порталот на српската телевизија B92 „Србите и Албанците се меѓу најглупавите народи во Европа“ ги налути нашите соседи.
Под линкот со објавата на Facebook има стотици коментари на гневните Срби за мапата што ги вброи меѓу најглупавите народи во Европа со нивните вековни непријатели, Албанците.
Но, за што се работи?
Порталот B92 објави мапа на Европа со просечни вредности на коефициент на интелигенција за сите европски народи, а картата покажува дека Србите, Црногорците и Албанците се нациите со најнизок просечен коефициент на интелигенција во Европа.
Мапата ја изработи чешкиот лингвист Јакуб Маријан, а користеше податоци од истражувањето на Британецот Ричард Лин и Тату Ванханен од Финска, кои ја објавија книгата „Интелигенција: Единствен конструкт на општествените науки“.
Според табелата што ја добиле, состојбата во Европа е далеку подобра и порамномерна отколку во неразвиениот дел на светот, каде овие вредности понекогаш се под 70, додека, на пример, САД имаат просек од 97.
Оваа книга, покрај класификацијата на народите по интелигенција, укажува и дека коефициентот на интелигенција е во голема мера поврзан со перформансите на поединечни нации на тестовите како PISA или TIMSS, кои го мерат образованието на населението.
Меѓутоа, истражувањето на Лин и Ванханен на кое се базираат мапите, а особено во однос на потенцијалните последици од поделбата на народот на поглупави и попаметни, е остро нападнат од други научници како методолошки проблематични.
Според овие заклучоци и картата која се шири на социјалните мрежи, просечната интелигенција на граѓаните на Македонија е 91, на Србија е 90, на Босна и Херцеговина 93, на Хрватска и Словенија 98.
Поглупи од Србите, според оваа карта се само Црногорците со 83 и Албанците со 82, што е најнизок коефициент на интелигенција во Европа. Грција и Бугарија имаат 93, Украина 94, Полска 96, Шпанија 97 и Русија 97.
Според оваа карта, најинтелигентни се народите од Западна Европа. Франција и Норвешка имаат 98, Германија, Шведска и Обединетото Кралство 99. Најинтелигентни луѓе се Финците, со просек од 101.