Еден корисник на TikTok неодамна сподели видео на својот профил во кое наведува дека учи хрватски за да може неговото куче да го разбере.
Во урнебесното видео објавено на неговиот профил, корисникот на TikTok по име Нејл Кинг објави видео од своето куче на кое покажува како кучето не разбира англиски, па тој се обидува да научи хрватски за да се разберат.
„Учам хрватски, затоа што тоа е јазикот што го зборува моето куче“, е описот на видеото на кое се гледа неговата миленичка – пудлицата Мика. Кога на англиски го повикува кучето, но тоа не одговара.
„Mika, tu dođi. Sjedi dolјe. Bravo Mikica. Mika, daj šapu. Mika leži dolјe“, се некои од наредбите кои Ирецот ги кажува на хрватски, иако некои не со многу точен изговор, но сепак за пофалба со оглед на несличноста ниту со неговиот ирски, ниту пак со англискиот јазик.
Инаку, станува збор за Ирец кој веќе некое време живее во Хрватска, поточно во Далмација и често објавува животни ситуации кои ги доживува во Хрватска, како и разни места кои го воодушевиле.
@nale_king #croatia🇭🇷 #ireland🇮🇪 #irishincroatia #irishindalmatia #fyp #dog #dogoftiktok ♬ original sound - Nale King
Следбениците, меѓу кои и многу Хрвати кои неодамна го открија овој профил, го пофалија сопственикот за неговото познавање и изговор на хрватскиот јазик, а дел од заслугите му припаднаа на кучето Мика бидејќи го учи на нови работи во животот.
