Фудбалската репрезентација на Исланд и навивачите на оваа репрезентација ја одушевија фудбалска Европа во последните неколку години. Истиот впечаток остана и откако со спектакуларно видео го претставија новиот грб на репрезентацијата.
Во видеото се претставени симболите од националниот грб на Исланд на кој се наоѓаат бик, орел, змеј и џин.
Токму на новиот грб на репрезентацијата се наоѓаат овие четири симболи на државата, а медиумите пишуваат дека во создавањето на видеото учествувал и голманот Ханес Халдорсон, кој работи како режисер кога не игра фудбал.
Истовремено беше претставен и новиот дрес во кој ќе настапуваат сите фудбалски репрезентации на Исланд.