Претставници на УЕФА утре ќе разговараат со владата на Велика Британија за преселување на финалето од Лигата на шампиони од Истанбул во Лондон.
Доколку УЕФА одлучи поради епидемиолошката ситуација на Турција да ѝ го одземе домаќинството на финалниот натпревар кој треба да се одржи на 29. мај, најизгледно место за преселба на натпреварот помеѓу Манчестер Сити и Челси е Вембли во Лондон.
Ограничувањето за патувањата од Велика Британија во странство ќе бидат ублажени на 17. мај, но Турција минатата недела е додадена на црвената листа поради порастот на бројот на заболени од коронавирусот. Поради тоа, граѓаните на Велика Британија кои се враќаат од сите земји од црвената листа, мораат во десетдневен карантин.
За потсетување, Вембли последен пат беше домаќин на финале од Лигата на шампиони во 2013 година, кога Баерн ја победи Борусија со 2:1.
