Оваа сезона НИкола Јокиќ стана само третиот играч во историјата на НБА кој постигнал трипл-дабл со најмалку 20 поени и без ниту едно промашување од поле. Пред него тоа го направија Дрејмонд Грин и многу одамна Вилт Чембрлен двапати, а сега им се приклучи и Јанис Адетокунбо.
Greek Freak постигна 20 поени, 13 скока и 10 асистенции со совршен шут од поле (9/9), во кој реализираше и една тројка, но стандардно беше несигурен од линијата за слободни фрлања (3/7).
Неговите Милвоки Бакс ги победија Торонто Репторс со 118:111 и со резултат 51-20 го обезбедија лидерското место на Истокот.
Јокиќ синоќа оствари и нов трипл-дабл, 28-ми во сезоната, но сепак промаши три шута (9/12) за учинок од 22 поени, 17 скока и 10 асистенции. Неговите Денвер Нагетс ги совладаа Бруклин Нетс со 108:102 на гостински терен, што е само втора победа во последните седум натпревари, но со скор од 48-24 и понатаму се сигурни на врвот на Западот.
Ивица Зубац оствари нов дабл-дабл, трет во низа и 24-ти сезонава, постигнувајќи 14 поени (7/11 шут), 10 скока, две асистенции и една украдена топка во победата на ЛА Клиперс во Портланд од 117:102. . Расел Вестбрук беше на дофат на својот прв трипл-дабл откако им се приклучи на Клиперс, а вкупно 199-ти во кариерата, но со 12 скока и 10 асистенции остана на девет поени.
Ривалите во плејофот на Тандер, ЛА Лејкерс, ги победија Орландо со 111:105 благодарение на играта во кариерата на Остин Ривс, кој постигна 35 поени.
Бруклин - Денвер 102:108
Оклахома Сити - Феникс 124:120
Сан Антонио - Атланта 126:118
Детроит - Мајами 100:112
Хјустон - Њу Орлеанс 107:117
Милвоки - Торонто 118:111
Портланд - ЛА Клиперс 102:117
ЛА Лејкерс - Орландо 111:105.
