Петнаесет облакодери вредни околу 154 милиони долари беа срушени за само 45 секунди.
Taiwan News пишува дека облакодерите биле дел од недовршениот проект Liyang Star City, започнат уште во 2011 година. Овој проект честопати беше прекинуван и после промената на сопственоста, па дури и по интервенција на владата проектот не продолжи до крајот на минатата година. Во тоа време, правата на сопственост беа купени од една компанија за 154 милиони долари.
Беше одлучено да се прекине изградбата бидејќи проектот не ги исполнуваше сегашните барања на пазарот, а потоа беше откриено дека темелите се изложени на дождовница и дека е невозможно да се направат поправки. Затоа, единствената опција што остана беше уривање со употреба на експлозив.
Зоната на експлозија изнесуваше 500.000m², што воедно ја прави и најголема зона за уривање во Кина. Околу 2.000 домаќинства беа евакуирани, а 4,6 тони експлозив поставен на 85.000 места низ 15 облакодери беа искористени при уривањето на облакодерите. Потребни беа само 45 секунди за да паднат колосните згради.
Еден облакодер не е урнат, но и тој ќе стане минато со тоа што за неговото уривање нема да се користи експлозив.