Научници од американскиот Универзитет Сан Диего тврдат дека имаат докази за тоа дека COVID-19 не е респираторна, туку васкуларна болест.
Ова би можело да ги објасни крвните згрутчувања кај некои ковид пациенти и симптомите како „ковид стапала“ кои не се класичен симптом на респираторни болести.
Студијата е објавена во Circulation Research и прецизно објаснува како вирусот ги оштетува клетките на васкуларниот систем. Веќе е познато дека покрај разните симптоми, меѓу кои се и респираторните, постојат и кардиоваскуларни проблеми коишто го погодуваат организмот.
Тимот што работеше на студијата покажа како вирусот го напаѓа васкуларниот систем или крвотокот.
Протеинот С во вирусот или шилестиот протеин кој ја формира круната, го напаѓа рецепторот ACE2, оштетувајќи ги митохондриите кои ги напаѓаат клетките и ги оштетуваат ендотелата кои ги поставуваат крвните садови.
Научниците и претходно го набљудуваа ова, но досега не се знаеше точниот механизам и улогата на С протеинот.
Ефектите на респираторниот систем се последица на воспаление на васкуларното ткиво во белите дробови, тврдат научниците.
„Многу луѓе мислат дека ова е респираторна болест, но не е. Тоа би можело да објасни зошто многу луѓе доживуваат мозочен удар и зошто некои имаат проблеми во останатите делови во телото. Заедничко им е тоа што има васкуларна подлога“, вели професорот Ури Манор, асистент во студијата.