Истражување објавено од Универзитетот во Торонто откри дека постои врска меѓу сексот и чувството на среќа.
Кога сте опкружени секојдневно со стрес, сосема е нормално да не ви е дојдено до секс. Но, ако сакате да го унапредите вашиот сексуален живот, нема ништо лошо во тоа. Всушност, постои веројатност доколку имате повеќе секс во врската или во бракот, да бидете посреќни и позадоволни во неа.
„Изгледа дека секс еднаш во неделата е доволно за одржување на врската и зголемување на среќата во неа. Но, ако сакате повеќе секс, за тоа треба да разговарате со партнерот“, вели сексологот Џес О’ Рајли.
Податоците од истражувањето покажуваат дека луѓето на возраст од 29 години имале секс околу 112 пати годишно, што е од прилика два пати неделно. Паровите од 30 до 39 години признале дека имаат секс 86 пати годишно. Луѓето постари од 45 години секс имаат еднаш неделно.
„Некои луѓе имаат среќни врски и немаат секс. Постојат луѓе кои имаат помала желба и тоа е сосем нормално“, вели О’ Рајли.
Важно е да се знае дека сексот ја ублажува напнатоста во врските. Колку почесто имате секс и сте поотворени еден кон друг, толку е поголема веројатноста дека полесно ќе комуницирате со партнерот за вашите сексуални фантазии и желби.
Но, тоа што немате секс секоја вечер не значи дека не сте среќни.
„Не чекајте вашите расположенија да се совпаднат, едноставно прашајте го партнерот што сака“, советува О’ Рајли.
