Комбинацијата на вакцини, со прва доза на AstraZeneca и потоа Pfizer, ги зголемува нивото на неутрализирачки антитела за шестпати, во споредба со две дози на AstraZeneca, покажа истражување спроведено во Јужна Кореја.
Студијата опфати 499 здравствени работници, од кои 100 примија комбинирана вакцина, 200 примија две дози Pfizer, а останатите добија две дози AstraZeneca.
Во сите случаи, беа формирани неутрализирачки антитела кои спречуваат вирусот да влезе во клетките и да се реплицира. Резултатот од комбинираната вакцина покажа слични количини на неутрализирачки тела како во групата што прима две дози на Pfizer.
Неутрализирачка активност против новите соеви
Слични резултати беа прикажани минатиот месец од страна на една британска студија кога беше дадена втора доза на вакцина Pfizer по првата доза на AstraZeneca, што резултираше со подобар одговор на Т-клетките и поголеми нивоа на антитела отколку кога Pfizer се користеше за првата доза, а потоа AstraZeneca.
Научниците во Јужна Кореја исто така ја анализирале неутрализирачката активност против главните варијанти на новиот коронавирус.
Ниту една од групите не покажа намалување на активноста за неутрализирање на алфа варијантата, најпрво идентификувана во Велика Британија, но неутрализирачкиот титар падна за два и пол до шест пати за бета, гама и делта варијанти, најпрво откриени во Јужна Африка, Бразил и Индија.