Резултати од клиничко испитување упатуваат на тоа дека коктел од антитела развиен од компанијата Regeneron може да се користи како превентива и да овозможи силна заштита во намалувањето од ризик од симптоматска инфекција со COVID-19 кога се дава на луѓе кои живеат во домаќинство во кое постои заразен човек.
Истражувањето покажало дека REGN-COV ги штити луѓето во исто домаќинство по изложување на SARS-CoV-2. Компанијата Regeneron најави дека ќе побара одобрение од американското регулаторно тело.
Во првата недела, заштитата од симптоматска инфекција изнесувала 72%, а потоа дури 93%, покажаа резултатите од истражувањето.
Примената на лекот го намалила севкупниот ризик од влошување на симптоматскиот COVID-19 за 31%, односно за дури 76% во третиот ден од неговата примена.
Лекот би можел да стане втора одбранбена линија од болеста за сите оние коишто не се заштитени со вакцинација. Овие резултати се нов доказ дека ваквите лабораториски лекови не само што спречуваат најлош исход од болеста кога ќе се применат доволно рано, туку придонесуваат поединецот да не се разболи.
Ваквите лекови би можеле да дадат нов начин на заштита кај невакцинираните луѓе од високоризичната група или кај оние кои не реагираат добро на вакцини, како на пример кај луѓе кои се на терапија што го ослабува нивниот имунолошки систем.