Дали мислите дека вашите родители биле премногу строги со вас? Ако одговорот е потврден, веројатно секојдневно се фокусирале на вашата иднина, на пример како редовно да ја пишувате домашната задача или секогаш собата да ви биде уредна.
Многу луѓе израснале со строги родители и им се чинело како цело време да се под некоја казна. Иако е тешко постојано да слушате строги правила и совети, експертите тврдат дека родителите кои ги воспитуваат децата во тој дух се поуспешни. Без оглед колку и да мислите дека детството ви било тешко, еден ден сепак ќе бидете благодарни што вашата мајка вложувала труд во вас.
Доказ за тоа се и резултатите од истражување на Универзитетот во Есекс. Станува збор за студија во која учествувале над 15.000 деца на возраст од 13 до 14 година во период од 6 години. Студијата покажала дека се поуспешни луѓето кои имаат построги мајки.
Децата кои имале поголема самодоверба имале строги мајки со високи очекувања. Тие деца имале поголема веројатност дека ќе завршат факултет и ќе се вработат на добра позиција, без оглед колку и да звучи ова нереално.
Порано или подоцна, ќе сфатите дека вашите родители ве воспитале правилно и за ваше добро ве подготвиле за тоа на што ќе наидете во животот.