Синоќа се одржа 65-тото издание на европскиот музички натпревар каде победата ја однесе италијанскиот рок бенд „Måneskin“.
На второто место се пласираше Франција, додека трета заврши Швајцарија. За Италија ова е трета победа, а прва по 1990 година и Тото Кутуњо со фамозната „Insieme: 1992“.
Претставниците на Србија, кој важеа за најголем фаворит од Балканот, се пласираа дури на 15. мести. Групата „Hurricane“ со песната „Loco Loco“ освои 102 бода.
На последното место заврши Обединетото Кралство без ниту еден освоен бод. Не се прославија ниту претставниците на Германија (3 бода) и Шпанија (6), додека домаќинот Холандија освои само 11 бодови.
Името на бендот кој победи оваа година, „Måneskin“, на дански јазик значи „Месечина“, а бендот го сочинуваат главниот вокал Дамјано Давид, бесистката Викториа Де Анџелис, гитаристот Томас Раџи и тапанарот Етан Торкио. Освоија вкупно 524 бодови (318 од публиката и 206 од жирито). Италија од почеток беше фаворит кај одложувалниците.
Бендот стана популарен во Италија откако го освоија второто место на 11. издание на италијанскиот „X Factor“ во 2017 година. Членовите на бендот се запознале така што посетувале исто средно училиште.
Името на бендот го одбрале кога пребало да се пријават на еден локален музички натпревар за новосоздадени бендови. Басистката Викториа е половина Данкиња, па останатите ја замолиле да размисли за некои дански зборови како предлог за име. Така, потоа сите се согласиле за зборот Måneskin (Монескин).