Фудбалската федерација на Италија ги одобри промените во форматот на Серија А, па од следната сезона ќе се воведе плеј-оф за Скудетото доколку два тима завршат со еднаков број бодови на првото место.
Потоа ќе одат во плеј-оф на еден натпревар, а доколку по 90 минути нема победник, шампионот ќе се решава на пенали.
Ова важи само за борбата за титулата шампион, па доколку екипите имаат ист број бодови во борбата за место кое води во европските купови, тоа ќе се решава според меѓусебниот скор. Доигрување за шампионската титула беше актуелен метод до пред неколку години, а потоа Италијанците донесоа одлука меѓусебниот учинок да решава сè. Сега се вратија на старата одлука.
Единствениот пат кога Скудетото беше доделено со плеј-оф беше во 1964 година кога Болоња го победи Интер со 2:0. Ваквата одлука ја изнуди претседателот на здружението Габриеле Гравина, а беше одобрена денеска. Гравина верува дека ова ќе ја зголеми атрактивноста на целата Серија А во иднина.