Paramount Pictures денеска објави нов трејлер за претстојниот филм насловен како „Babylon“ кој располата со позната актерска екипа во главните улоги.
Во режија и сценарио на Демиен Шазел, дејството на „Babylon“ е сместено во 20-тите години на минатиот век во Лос Анџелес. На познатите холивудски актери Бред Пит и Марго Роби им се придружи еден од најпознатите мексикански актери во моментов, Диего Калва. Ова трио ги толкуваат главните улоги, а се појавуваат и Тоби Мегавер, Кетрин Ватерстон, Џован Адепо, Ли Џун Ли, Оливија Вајлд, Жан Смарт и други.
Во џез ерата на 20-тите, кога Холивуд се напоѓа во транзиција од неми во звучни филмови, приказната ја следи големата амбициозност и неверојатните ексцеси низ подемот и падот на повеќе ликови за време на еден период на незауздана декаденција и изопаченост во раниот Холивуд.
За да ја погледнете нецензурираната верзија на трејлерот, кликнете тука.
Премиерата во САД е закажана за 25 декември во ограничен број на кино сали, додека од 6 јануари 2023 година ќе биде достапен низ цел САД и во други земји. Првично, филмот требаше да излезе на истиот датум во 2021 година, но како и многу работи поради пандемијата беше одложен за годинава.