Извлечени групите за ЕвроБаскетот 2025

Ждрепката за одредување на четирите групи за ФИБА ЕвроБаскет 2025 се одржа денеска во латвискиот главен град Рига.

24-те нации учеснички ги открија своите противници за претстојното 42. издание на континенталниот собир откако беа подредени во четири групи, според рангирањето што се базираше на Светското рангирање на ФИБА.

Легендите на европската кошарка, Руди Фернандес, четирикратен шампион и амбасадор на настанот, и Никос Зисис, кој победи на натпреварувањето во 2005 година, помогнаа во извлекувањето на репрезентациите во нивните соодветни групи во Кипар, Финска, Полска и Латвија.

Меѓу присутните на настанот, чиј домаќин беше Латвиската кошаркарска асоцијација, беа министерот за економија на Латвија, Викторс Валаинис, градоначалникот на Рига, Вилнис Кирсис, претседателот на ФИБА Европа, Хорхе Гарбахоса, претседателот на ФИБА, Шеик Сауд Али Ал-Тани, извршниот директор на ФИБА Европа, Камил Новак, како и коделегациите од четирите домаќини.

Фортуната вака ги одреди групите:

Србија
Латвија
Чешка
Турција
Естонија
Португалија

Германија
Литванија
Црна Гора
Финска
Велика Британија
Шведска

Шпанија
Грција
Италија
Грузија
Босна и Херцеговина
Кипар

Франција
Словенија
Полска
Израел
Белгија
Исланд

Четирите кодомаќини беа претходно назначени во нивните соодветни групи со Групата А која ќе се игра во Рига, Латвија; Група Б во Тампере, Финска; Група Ц во Лимасол, Кипар и Група Д во Катовице, Полска.

Секој кодомаќин, исто така, можеше да избере земја-партнер што ќе биде ставена во истата група со договорите постигнати меѓу Летонија и Естонија, Финска и Литванија, Кипар и Грција, како и Полска и Исланд.

ЕвроБаскетот 2025 започнува со групната фаза што се игра од 27 август до 5 септември, пред финалната фаза да се одржи исклучиво во главниот град на Латвија, Рига, од 6 до 14 септември.

Водечкото натпреварување на ФИБА Европа, ЕвроБаскетот е најпрестижниот кошаркарски настан на континентот со историја што датира од 1935 година. Ова е ќе биде издание број 42.

Најтрофеен е Советскиот Сојуз со 14 освојувања, Југославија има 8, Шпанија 4, Литванија 3, а Италија и Грција по 2. По еднаш шампиони биле Чехословачка, Франција, Русија, Германија, Унгарија, Латвија, Египет и Словенија.