Одличен додаток за пилешко, а се подготвува навистина лесно.
Овој рецепт од кинеската кујна може да биде и додаток, но и самостојно јадење - зависи од вас.
Кинеската кујна е една од најпопуларните кујни во светот. Кинески ресторани можете да најдете речиси во сите семји од светот, а големиот успех на кинеската храна му се припишува на совршениот баланс од намирници во секое јадење. Некои од најпознатите состојки се соја сос, пилешко, нудли, зелка, ориз. Наместо нудли со јајца подгответе зеленчук со јајца и јадете го како додаток за пилешко месо, или пак како самостојно јадење.
Потребни состојки:
- пола главица зелка
- лажичка сол
- 1 поголем морков
- 5 јајца
- 3 помали струкови праз
- масло за пржење
за сосот:
- 2 кажици соја сос
- малку сол
- 1 лажичка мед
Подготовка:
Зелката исечкајте ја на резанки, ставете ја во чинија, посолете ја и прелијте ја со вода. Морковот и празот исечкајте ги. На загреано масло испржете ги јајцата така што ќе добиете парченца. Потоа додадете ги исцедената зелка, морковот и празот. Динстајте додека не омекне, па прелијте со сосот. Сервирајте како самостојно јадење или со пилешко.
