Јапонската вселенска агенција развива 4K и 8K камери кои ќе ги фотографираат Марс и неговите месечини Фобос и Дејмос во текот на идната мисија Martian Moons Exploration.
Камерите редовно ќе прават фотографии и делумно ќе ги испраќаат на Земјата, додека оригиналите ќе бидат ставени во капсула која ќе биде вратена на Земјата.
Леталото ќе биде лансирано од Јапонија во 2024 година, а на Црвената планета ќе пристигне во 2025 година.
За враќање назад малку ќе се почека, но чекањето ќе се исплати бидејќи мисијата ќе овозможи детални фотографии од површината на Марс и месечините, како и примероци од Фобос.
