Јапонската бродска компанија Mitsui O.S.K. Lines (MOL) е првата во светот која успеала да произведе водород на море, кој потоа го испорачала на копно во Токио.
MOL произведе водород на море со помош на својата демонстративна јахта „Winz Maru“. Ова пловило има постројка која произведува „зелен“ водород, кој е лесен за транспорт.
„Winz Maru“ е дел од проектот Wind Hunter, кој има за цел да создаде „зелен“ синџир за снабдување со водород. Јапонија е светски лидер во „зелените“ технологии на водород, кои би можеле да играат важна улога во оддалечувањето од фосилните горива.
Тимот на MOL произведе „зелен“ водород и го претвори во течен органски водороден носач метилциклохексан (MCH) на својот брод „Winz Maru“. Оваа постапка овозможува побезбеден и поефикасен транспорт. Според MOL, ова е прв случај во кој брод произведува „зелен“ водород на море за употреба на копно.
„Winz Maru“ користи ветер за навигација, а исто така генерира електрична енергија користејќи подводни турбини и произведува „зелен“ водород од морската вода. Повеќенаменското пловило е дизајнирано за производство, складирање и испорака на водород.
MOL спроведува демонстративни тестови во заливот Омура од 2023 година, компанијата работи на снабдување на копнените капацитети со домашно произведен „зелен“ водород од бродот „Winz Maru“. Целта на компанијата е да произведе околу 100 Nm³ (200 литри) MCH во 2025 година. Компанијата, исто така, сака да снабдува електрична енергија произведена со користење на водород, која ќе се користи во Токио.
Во моментов се размислува за поголем брод за проектот Wind Hunter, кој би можел да биде оперативен до почетокот на 2030-тите.
Неодамнешните откритија во производството го прават водородот поодржлив облик на обновлива енергија. Во 2023 година, тим истражувачи од Австралија смислиле економичен метод за производство на водород од морска вода.
Јапонија е светски лидер во технологиите поврзани со водород. Оваа земја стратешки се фокусираше на „зелениот“ водород, сметајќи го за извор на „зелена“ енергија од следната генерација. Во својата цел да биде јаглеродно неутрална до 2050 година, Јапонија се потпира на развојот на овие технологии.
Водородот може да се користи за производство на електрична енергија и топлина без емисија на CO₂. Со оглед на фактот дека може да се добие од вода, таа е многу достапна. Меѓутоа, како што е случајот со сите обновливи извори на енергија, светот се соочува со голем предизвик во намалувањето на трошоците за производство на водород.
