Синоќа целиот свет му аплаудираше на српскиот тенисер Новак Ѓоковиќ за победата над големиот ривал Рафаел Надал на Ролан Гарос, но еден аплауз сигурно му значеше најмногу од сите други.
Имено, цело време за време на натпреварот, Ноле одушевено го охрабруваше неговата сопруга Јелена Ѓоковиќ, а камерите често застануваа на неа и ги снимаа нејзините реакции.
Синоќа Јелена навиваше, викаше, гестикулираше, а на крајот, секако, се смееше, па на социјалните мрежи се зборува многу за нејзините реакции.
„Ве молам, да не ја заборавиме оваа неверојатна и едноставно чудесна жена, која е секогаш со Новак, живее и дише за секој поен“, напиша еден корисник на Twitter.
Јелена извикуваше „Идемоооо!“, „Бравооо!“ и други познати навивачки извици, а на крајот од епската борба на нејзиниот сопруг со Надал, таа се насмевна и му упати срце на Новак.
Останува да видиме дали ќе биде толку весело утре по финалето на Ролан Гарос во кое Ѓоковиќ игра против Стефанос Циципас.