Никола Јокиќ и Лука Дончиќ одиграа нови одлични партии и со нови трипл-дабл ефекти ги предводеа своите тимови до победа.
Јокиќ го предводеше својот Денвер до убедлива победа над Бруклин со 124-104.
Српскиот центар го заврши мечот со 27 поени, 12 скока и 10 асистенции, додека пак Кајри Ирвинг имаше 27 поени, 5 скока и 11 асистенции.
Ова беше 500. натпревар за Јокиќ во НБА лигата и тој стана првиот играч со повеќе од 9.000 поени, 5.000 скока и 3.000 асистенции во само толку натпревари. Јокиќ досега постигна 9.579 поени, а има остварено 5.081 скока и 3.068 асистенции.
Далас во возбудлив натпревар ја победи Атланта со 104-94.
Дончиќ поради проблеми со лични грешки одигра само 28 минути, но и тоа му беше доволно за трипл-дабл (18 поени, 10 скокови, 11 асистенции) и 31-та победа на Маверикс сезонава.
Џон Колинс, пак, постигна 22, а Богдан Богдановиќ само 5 поени.
Резултати:
Чикаго - Филаделфија 108: 119
Минесота - Детроит 118: 105
Денвер - Бруклин 124: 104
Кливленд - Индијана 98:85
Орландо - Бостон 83: 116
Далас - Атланта 103:94
Хјустон-Њу Орлеанс 107:120
ЛА Клиперс - Милвоки 113:137.
