Јокиќ брилираше со нов трипл-дабл во победата на Денвер по голема драма

Кошаркарите на Денвер Нагетс го победија Сакраменто Кингс на гостински терен со 130:129 и со тоа ја потврдија добрата форма забележувајќи го третиот последователен триумф.

Денвер феноменално влезе во натпреварот и веќе по првата четвртина имаше 20 поени предност. Сепак, „Кралевите“ ја намалија негативата до моментот кога заминаа на одмор, па првото полувреме заврши со 75:68 за гостите.

Домашниот тим продолжи да игра во ист ритам и во вториот дел и направи пресврт, па во последната четвртина влезе со 7 поени предност. На крајот имаше драматична завршница, која по многу драма им припадна на гостите.

Најдобар кај Нагетс беше српскиот кошаркар Никола Јокиќ, кој оствари трипл-дабл со 20 поени, 14 скока и 13 асистенции. Имаше поддршка од Канаѓанецот Џамал Мареј, кој постигна 28 поени со 6 асистенции, од Арон Гордон со 24 поени и 7 скокови и од Расел Вестрбрук кој со 18 поени, 10 асистенции и 9 скокови за еден скок не запиша трипл-дабл.

Кај „Кралевите“ најдобар беше Литванецот Домантас Сабонис со дабл-дабл учинок од 28 поени и 14 скокови, додека Де'Арон Фокс постигна 29 поени, а Малик Монк дабл-дабл со 25 поени и 10 асистенции. Следуваа ДеМар ДеРозан со 17 поени, Даг МекДермот со 16 и Кион Елис со 12.

Денвер е на петтото место во Западната конференција со 14 победи и 10 порази, додека Сакраменто е на 12-тата позиција со скор 13-14.

Резултати:

Детроит Пистонс - Мајами Хит 125:124 (прод.)
Шарлот Хорнетс - Филаделфија 76ерс 108:121
Торонто Репторс - Чикаго Булс 121:122
Бруклин Нетс - Кливленд Кавалирс 101:130
Сакраменто Кингс - Денвер Нагетс 129:130
Лос Анџелес Клиперс - Јута Џез 144:107

Табела: