Лејкерс ја победија Оклахома дури по продолженија, додека Милвоки триумфираше над Денвер и покрај одличната партија на Никола Јокиќ.
До нова победа тимот од Лос Анџелес беше предводен од Леброн Џејмс кој за 42 минути на паркетот успеа да постигне 28 поени збогатени со 14 скокови и 12 асистенции и на крајот заслужено беше прогласен за играч на натпреварот.
Натпреварот всушност заврши 110:110, а во продолжението подобро се снајдоа играчите на Лејкерс постигнувајќи 9 поени наспроти само 2 на Оклахома. Во поразениот тим се истакна Шеј Гилџес-Александер кој уфрли 29 поени со 7 скокови и 10 асистенции.
Во крајно неизвесен натпревар Милвоки го совлада Денвер со 125:112, а на гостите не им помогна ниту расположениот Никола Јокиќ кој запиша 35 поени со 12 скокови и 6 асистенции, додека во победничкиот тим се истакна Гркот Адетокунбо кој уфрли 30 поени со 9 скокови. Иако Јокиќ имаше само 6 асистенции, некои од нив беа толку генијални што сега се главна тема на дискусија кај љубителите на НБА.
Резултати:
Шарлот Хорнетс - Хјустон Рокитс 119:94
Чикаго Булс - Вашингтон Визардс 101:105
Мемфис Гризлис - Торонто Репторс 113:128
Далас Маверикс - Минесота Тимбервулвс 127:122
Сан Антонио Спарс - Голден Стејт Вориорс 105:100
Феникс Санс - Кливленд Кавалирс 119:113
Денвер Нагетс - Милвоки Бакс 112:125
Лос Анџелес Лејкерс - Оклахома Сити Тандер 119:112 прод.