Јокиќ со 48 поени направи подвиг што НБА лигата го чекаше 61 година и го постигна најлудиот кош во кариерата.
Најдобриот светски кошаркар Никола Јокиќ само 24 часа откако против Вашингтон постигна 56 поени, одигра уште една блескава партија.
Во победата на Денвер Нагетс над Атланта Хокс од 114:111, популарниот Џокер постигна 48 поени со 14 скока и 8 асистенции и со тоа оствари подвиг што НБА го чека 61 година.
Тоа беше негов втор последователен натпревар со 45/10/5 цифри во клучните категории и е само втор во историјата на лигата што споил такви два натпревара.
Пред него, само Вилт Чејмбрлејн успеа во далечната 1963 година.
Во овие 48 поени, српскиот кошаркар вметна и феноменална тројка од центар, што е негов најлуд кош во кариерата.
Меѓу останатите резултати ќе го издвоиме четвртиот сезонски пораз на Кливленд Кавалирс, кој загуби на гостувањето кај Мајами Хит со 122:113.
Домашните беа предводени од Тајлер Хироу кој уфрли 34 поени со 6 скока и 7 асистенции. Ефикасни беа и Данкан Робинсон со 23 поени, Џими Батлер со 18 и Бам Адебајо со дабл-дабл од 16 поени и 13 скокови. Кај Кливленд, 23 поени со по 5 скока и асистенции постигна Дариус Гарланд.
Резултати:
Чикаго Булс - Филаделфија 76ерс 100:108
Бруклин Нетс - Милвоки Бакс 113:118
Индијана Пејсерс - Шарлот Хорнетс 109:113
Атланта Хокс - Денвер Нагетс 111:141
Мајами Хит - Кливленд Кавалирс 122:113
Орландо Меџик - Феникс Санс 115:110
Сан Антонио Спарс - Њу Орлеанс Пеликанс 121:116
Вашингтон Визардс - Мемфис Гризлис 112:140
Голден Стејт Вориорс - Минесота Тимбервулвс 114:106
Лос Анџелес Клиперс - Хјустон Рокитс 106:117
Сакраменто Кингс - Јута Џез 141:97
Лос Анџелес Лејкерс - Портланд Треил Блејзерс 107:98
Табела:
