Со дабл-дабл српскиот центар го предводеше Денвер до домашна победа над тимот на Оклахома, додека домашниот терен го искористи и Јута за нова победа.
Ноќеска само два натпревара беа на програмата во најдобрата кошаркарска лига на светот. Во „Бол“ арената во Денвер тимот на Нагетс убедливо со 18 разлика ја совлада Оклахома играјќи фуриозна кошарка во втората и третата четвртина.
Одлична партија одигра Никола Јокиќ кој направи дабл-дабл со 27 поени и 12 скока, а имаше и 6 асистенции. Кај гостите со 20 поени се истакна Канаѓанецот Лу Дорт. Со оваа победа Денвер сега има еднаков учинок: 7 победи и исто толку порази.
Во другиот натапревар Јута Џез запиша слична победа од 16 разлика над гостите од Њу Орлеанс. На овој натпревар дабл-дабл оствари Французинот во редовите на домашните, Руди Гобер, со 13 поени и 18 скокови, додека најефикасен беше Зион Вилијамсон чии 32 поена не беа доволни за гостите. Кај Јута 28 поени постигна Донован Мичел.
За Јута ова е шеста победа во низа со која е трета на Западот со скор од 10-4.
Резултати:
Денвер Нагетс - Оклахома Сити Тандер 119:101
Јута Џез - Њу Орлеанс Пеликанс 118:102
