Јунак на денот во НБА ноќеска беше Никола Јокиќ кој одигра неверојатна партија, како никој во последните 54 години.
Ноќеска Денвер Нагетс на домашете терен го победи Шарлот Хорнетс со 119:115, а за повеќе од половина поени заслужен беше Никола Јокиќ кој натпреварот го зварши со неверојатни бројки.
Двократниот МВП си поигруваше со противниците и на крајот натпреварот го заврши со 40 поени, а додаде и 27 скокови и 10 асистенции. Навистина може да се каже дека овие бројки делуваат и тоа како нереално.
Пред Јокиќ само на двајца кошаркари им успеало да остварат трипл-дабл со над 40 поени и над 25 скокови, а се работи за легендите Вилт Чејмбрлејн и Елџин Бејлор.
Последен пат кога љубителите на НБА биле сведоци на таква партија било на 18 март 1968 година кога Вилт во една од своите последни натпревари за Филаделфија оствари учинок од 53 поени, 32 скока и 14 асистенции. Тоа го направи во победата од 158:128 над Лос Анџелес Лејкерс, клуб за кој потпиша наредната сезона.