Српскиот центар продолжи да остава трага во НБА откако во својот 60-ти трипл-дабл го престигна фамозниот Лери Брд на вечната листа.
Чикаго е еден од најдобрите НБА тимови во досегашниот тек од сезоната, а тоа на своја кожа го почувствуваа играчите на Денвер. Нагетс забележаа пораз од Булс и покрај тоа што Никола Јокиќ стигна до трипл-дабл во нивните редови, па кризата во тимот од Колорадо се продлабочи.
Никола Јокиќ успеа да влезе во историјата на НБА лигата со уште еден трипл-дабл натпревар, но на тимот на Денвер, кој се мачи со тешки повреди, веќе не му е доволно за да може да се носи со тим како Чикаго. Ова им беше осми пораз на последните 10 натпревари.
Такво нешто не успеа да спречи Никола Јокиќ, кој оствари учинок од 17 поени, 12 скока и 15 асистенции, но шутерски не беше толку одличен како досега. МВП-то на НБА лигата шутираше 6/17 од игра, со 2 украдени и 3 загубени топки, но тоа го надополни со делење асистенции во свој стил.
Тоа беше доволно за да го престигне легендарниот Лери Брд на вечната листа по бројот на трипл-дабл, бидејќи ова беше веќе 60-ти во НБА кариерата на Јокиќ. Тој сега се искачи на 8. место на вечната листа и наскоро би можел да го замени Џејмс Харден кој има 62.
Но, трипл-дабл достигнувањето е мала утеха за Јокиќ бидејќи Чикаго пружи далеку комплетен натпревар, во кој го предводеа тројца играчи, особено во последните 15 минути од натпреварот.
Зек Лавин постигна 32 поена во победничкиот тим, а Лонзо Бол и Никола Вучевиќ имаа по 10 скока со 20 поени.
На другата страна, никој во Денвер не се истакна многу. Монте Морис и Вил Бартон броеја до 19, Ерон Гордон до 18, а Џеф Грин до 14 поени со 13 скока.
Но, фактот дека Денвер сѐ уште е без Портер Џуниор, Џамал Мареј, Пи Џеј Догер и Остин Риверс, доволно покажува колку се слаби Нагетс.
Шарлот Хорнетс - Филаделфија 76ерс 124:127 (прoд.)
Детроит Пистонс - Оклахома Сити Тандер 103:114
Индијана Пејсерс - Вашингтон Визардс 116:110
Мајами Хит - Мемфис Гризлис 90:105
Чикаго Булс - Денвер Нагетс 109:97
Милвоки Бакс - Кливленд Кавалирс 112:104
Минесота Тимбервулвс - Атланта Хокс 110:121
Феникс Санс - Сан Антонио Спарс 108:104
Голден Стејт Вориорс - Орландо Меџик 126:95
Портланд Треил Блејзерс - Лос Анџелес Клиперс 90:102
