Селекторот на машката репрезентација, Александар Јончевски, излезе со списокот на кошаркари на чии услуги ќе смета во претстојниот трет евроквалификациски прозорец.
Репрезентацијата ќе тренира неколку дена во Скопје, а потоа ќе замине за Талин каде на 21 февруари ќе го одигра претпоследниот натпревар за овој квалификациски циклус. Три дена подоцна, на 24 февруари (понеделник), ќе ја пречекаме соодветната репрезентација на Полска во Скопје. Натпреварот против Полска ќе се одигра во СРЦ „Кале“, со почеток во 18:30 часот.
Првиот собир на репрезентацијата е закажан за 17 февруари (понеделник) со почеток во 18:00 часот, во СРЦ „Кале“.
Македонија мора да ги добие двете средби плус против Естонија треба да победи со разлика поголема од 5 поени и во исто време Естонија да доживее два пораза, за да се квалификуваме на ЕвроБаскетот.
Список на повикани играчи:
Војдан Стојановски – МЗТ
Андреј Магдевски – МЗТ
Бојан Крстевски – МЗТ
Андреј Маслинко – МЗТ
Марин Петков – МЗТ
Стојан Ѓуроски – Работнички
Дамјан Робев – Работнички
Виктор Ефремовски – Работнички
Андреј Шошкиќ – Работнички
Теодор Симиќ – Кожув
Страхил Николов – ТФТ
Ненад Димитријевиќ – Олимпија Милано (Италија)
Лејсон Зеќири – Башкими (Косово)
Андреј Јакимовски – Колорадо Бафалос (САД)
Итан Хап – Валенсија (Шпанија)
ТиЏеј Шортс – Парис (Франција)
