Јунајтед не бил вака лош од 1986: Боксинг деј го пречекува како 13-ти

Фудбалерите на Манчестер Јунајтед доживуваат бродолом по бродолом. Падови од коло во коло, веќе од година во година откако легендарниот менаџер Алекс Фергусон ги напушти пред точно 10 години.

Тимот од „Олд Трафорд“ моментално ја зазема 13-тата позиција на табелата во Премиер лигата, откако во последното коло беше поразен од Борнмут, а тоа е најлошата позиција на „Црвените ѓаволи“ пред Боксинг деј во пост Фергусон ерата на клубот.

И не само тоа, Манчестер Јунајтед не билк толку ниско на табелата во највисоката лига на англискиот фудбал од 1986 година, кога се наоѓаше две позиции подолу. Интересно, тогаш на клупата беше токму Фергусон, но како тазе назначаен тренер.

Клубот верува дека новиот тренер Рубен Аморим, кој седна на клупата на Јунајтед пред околу еден месец, ќе може да ја сврти ситуацијата на подобро, но тимот под негово водство оствари 4 победи, исто толку порази и еднаш одигра нерешено.

„Црвените ѓаволи“ гостуваат кај екипата на Вулверхемптон во следниот премиерлигашки натпревар кој ќе се одигра на Боксинг деј, во четврток на 26 декември од 18:30 часот.