Екипата на Јута Џез го победи бранителот Лос Анџелес Лејкерс со 25 поени разлика во најинтересниот натпревар од програмата ноќеска во НБА.
Победата над актуелниот шампион кошаркарите на Јута ја остварија со одличната игра во втората и третата четвртина кои ги добија со 15 односно 10 разлика.
Ниту еден кошаркар не ја мина границата од 20 поени. Најефикасен на натпреварот беше Леброн Џејмс од поразениот табор со 19 поени, додека кај Јута по 18 постигнаа Џордан Кларксон и Французинот Руди Гобер.
Лејкерс го доживеа 11-тиот пораз сезонава со што останува на 3. место во Западната конференција со скор од 22-11. За актуелниот шампион ова беше и четврти пораз во низа откако претходно загуби од Бруклин, Мајами и Вашингтон.
Јута и натаму доминира на Западот со скор од 26-6, а всушност „Џезерите“ засега имаат најдобар скор во цела лига.
Резултати:
Атланта Хокс - Бостон Селтикс 127:112
Кливленд Кавалирс - Хјустон Рокитс 112:96
Индијана Рејсерс - Голден Стејт Вориорс 107:111
Чикаго Булс - Минесота Тимбервулвс 133:126 прод.
Мајами Хит - Торонто Репторс 116:108
Њу Орлеанс Пеликанс - Детроит Пистонс 128:118
Оклахома Сити Тандер - Сан Антонио Спарс 102:99
Феникс Санс - Шарлот Хорнетс 121:124
Јута Џез - Лос Анџелес Лејкерс 114:89