Фудбалерот кој плени со својата игра на ЕУРО 2020 ќе биде ново засилување за „Старата дама“ откако клубот постигна договор со Сасуоло.
Иако наголемо беше поврзуван со трансфер во Арсенал, Локатели на крајот наместо во Лондон се сели во Торино. Италијанските медиуми објавија дека Јуве и Сасуоло постигнале договор за позајмица за која Јуве ќе плати 5 милиони евра, но во договорот стои и задолжителен откуп наредното лето за дополнителни 30 милиони евра.
Јуве го посакуваше Локатели многу пред неговиот блескав настап на Европското првенство каде ѝ помогна на Италија да стане континентален шампион. Имаше одлична сезона во црно-зелениот дрес, тим со кој заврши на осмото место во Серија А.
23-годишниот Локатели е производ на младинската школа на Милан од каде во 2018 дојде во Сасуоло. За репрезентацијата почна да игра од септември лани.