Синоќешниот неуспех кога со поразот од Бенфика тимот на Јувентус на коло пред крајот се збогува од Лигата на шампионите е само четврти ваков во историјата на клубот од Торино.
Откако и по втор пат загуби од португалскиот гигант, овој пат со 4:3, Јувентус прв пат по сезоната 2013/14 доживеа елиминација во фазата по групи.
Гигантот од под Алпите откако ова европско клупско натпреварување доживеа реформа во 1992 година (откако постои групната фаза) е еден од најчестите учесници. Ретко доживувал вакви неуспеси, но сепак ги имал.
Од воведувањето на фазата по групи во Лигата на шампионите великанот од Торино прв пат не помина група во сезоната 2000/2001 кога противници му беа Хамбургер (Германија), Панатинаикос (Грција) и Депортиво Ла Коруња (Шпанија). Таа сезона беше всушнсот и најлошиот пласман на „Старата дама“ бидејќи заврши на последното место.
Резултати:
Ла Коруња 0:0 и 1:1
Панатинаикос 2:1 и 1:3
Хамбургер 1:3 и 4:4
Првата сезона за Јуве во европската елита по скандалот Калчополи. Во група со Баерн (Германија), Бордо (Франција) и Макаби Хаифа (Израел) завршпи трет откако успеа да го победи само израелскиот шампион. Изненадувачки, тогаш во групата газеше Бордо кој не успеа да победи само на еден натпревар и тоа против Јуве во Торино.
Резултати:
Бордо 1:1 и 0:2
Баерн 1:4 и 0:0
Макаби Хаифа 1:0 и 1:0
Јувентус беше во група со Реал Мадрид (Шпанија), Галатасарај (Турција) и Копенхаген (Данска) и и покрај фаворитската улога за второто место, на крајот заврши трет со 6 бода и само една победа.
Резултати:
Копенхаген 3:1 и 1:1
Галатасарај 2:2 и 0:1
Реал Мадрид 2:2 и 1:2
Во тековнава сезона има уште едно преостанато коло, но за Јуве надеж веќе нема. Останува да се борти само за тртетото место кое води во Лига Европа, а ризикува оваа сезона да ја заврши со најлош скор во својата ЛШ историја бидејќи има само 3 освоени бода со 4 порази. Во последното коло нема да има нималку лесна задача бидејќи игра против еден од фаворитите за титулата - ПСЖ.
ПСЖ 1:2 и 6. коло
Бенфика 1:2 и 3:4
Макаби Хаифа 3:1 и 0:2
