Пирло го доби дуелот со Гатузо за прв пехар сезонава, дуел на кој играше и нашиот Елиф Елмас кој сепак остана со празни раце.
Јувентус ја освои својата рекордна деветта титула во италијанскиот Суперкуп откако синоќа со 2:0 го совлада тимот на Наполи.
Првите 45 минути беа без голови, а Јувентус победата ја најави во 64. минута кога по едно нафрлување во шестнаесетникот на „Партенопеите“ настана мешаница, топката дојде до Кристијано Роналдо на кој од петерецот не му беше тешко да ја затресе мрежата.
Три минути подоцна Џенаро Гатузо се реши веднаш да реагира со измена, а на теренот влезе македонскиот репрезентативец Елиф Елмас, кој сепак не успеа да му помогне на својот тим.
Во 80. минута Наполи пропушти колосална шанса да се врати во игра. Лоренцо Инсиње беше фаулиран за пенал, кој беше доделен со интервенција на ВАР, но истиот играч успеа да го промаши целиот гол.
Вториот гол за Јуве дојде длабоко во судиското натпреварување по контра напад која Наполи буквално со сите фудбалери напаѓаше, дури и голманот Давид Оспина, а тоа го искористи нововлезениот Алваро Мората запечатувајќи ја победата.
Натпреварот се одигра пред празни трибини на „мапеи“ стадионот во Реџо Емилија, прв пат на оваа локација.
Јувентус ја освои својата 9-та Суперкуп титула, па сега е лидер на вечната листа со две повеќе од Милан. Наполи остана на своите две титули, а ова им беше им втор пораз.
