Во првенството на Италија се одиграни 15 кола, а Јувентус е единствениот тим во Серија А кој досега нема пораз. Парадокс е што Јуве е без пораз, а има историски лош почеток на сезоната, бидејќи во изминатите 14 години само еднаш освоил помалку бодови по толку одиграни натпревари.
Екипата на „Старата дама“ во изминатите 15 натпревари забележа 6 победи, но дури 9 пати ремизираше, па со 27 бодови го држи шестото место на табелата.
Заостанува 7 бода зад лидерот Аталанта. Според La Gazzetta dello Sport, во последните 14 години Јувентус само во сезоната 2021/2022 имал помалку бодови по 15 натпревари отколку во тековното првенство.
Клубот од Торино тогаш беше предводен од Масимилиано Алегри, а по 7 победи, 3 нерешени и 5 порази имаше 24 бодови. Јувентус таа сезона ја заврши на четвртото место во Серија А со 70 бодови.
