Американскиот претседател Доналд Трамп вчера изјави дека ќе воведе царини од 10 отсто на целиот увоз во САД, покрај повисоките царини за некои од најголемите трговски партнери на земјата, засилувајќи ја трговската војна што започна откако тој се врати во Белата куќа.
Плакатите што ги покажа Трамп, на кои се наведени царините што ги воведува за стоки од други земји, изгледаа речиси нереални - како табла со резултати во квиз, рече економскиот репортерот на BBC, Мајкл Рејс.
Трамп тврди дека нивото на царини ги одразува трговските бариери што овие земји ги наметнуваат на американските стоки („тарифи што им се наплаќаат на САД“). Сепак, се чини дека тоа е повеќе одраз на американскиот стоковен дефицит во трговијата со овие земји.
Шефот на истражување на Deutsche Bank, Џорџ Саравелос, потврдува дека тарифите се засноваат на соодносот на трговскиот дефицит на една земја со САД во однос на извозот на таа земја во САД: „Едноставно кажано, колку е поголем номиналниот трговски дефицит на една земја со САД, приспособен за апсолутната големина на увозот на таа земја, толку се повисоки царините.“
Затоа земјите како Виетнам, Кина и Бангладеш се соочуваат со највисоки увозни даноци. И бидејќи стоките како Nike патиките и маичките од американските трговски синџири доаѓаат од тие земји, американските потрошувачи ќе го почувствуваат тоа во сопствените паричници.
Видете го подолу деталниот список на земји и тарифите што им се наметнати (жолти полиња), вклучувајќи ја и Македонија (33%).
