Чеченскиот лидер Рамзан Кадиров го осуди вчерашното палење на Куранот во Шведска што го направи шведскиот ултрадесничарски политичар Расмус Палудан со дозвола на шведските власти.
Кадиров на Telegram напиша дека цврсто верува дека овој чин не само што бил одобрен, туку и инициран од шведските власти и платен од политичките сили за да го спроведат.
„Во спротивно таков провокативен чин никогаш немаше да биде одобрен. Секој ќе жнее што си посеал и сите вклучени во овој грозоморен чин си донесоа вечно проклетство. Ќе го сфатат тоа еден ден, но ќе биде предоцна. Горете во пеколот, ѓаволи!" напиша Кадиров на Telegram.
Чеченскиот лидер додаде дека „буквално целото НАТО е плод на сатаната“ и дека тие се борат против него во Украина.