Кајли Џенер носеше џиновска лавовска глава закачена на нејзиниот црн фустан додека се појави на ревијата на брендот Schiaparelli за време на Модната недела во Париз.
Ријалити ѕвездата го привлече вниманието со огромен кадифен моден додаток додека позираше пред фотографите пред ревијата што денеска се одржа во Париз.
Хипер-реалистичната лажна животинска глава беше сошиена на предниот дел на модерен црн кадифен фустан без прерамки кој ја истакна нејзината фигура и облини. Кајли изданието го комплетираше со пар златни чевли со видливи ознаки на прстите и носеше чанта од змиска кожа.
Фустанот што го носеше беше парче на брендот Schiaparelli (Скјапарели), а такви парчиња на модната писта носеа и Ирина Шајк и Наоми Кембел. Брендот претстави фустани кои на себе имаа три извезени животни - леопард, лав и волчица.
На Instagramu наведоа дека трите животни претставуваат страст, ароганција и алчност во иконската алегорија на Данте, што истовремено треба да биде метафора за сомнежот и креативните маки што ги доживуваат сите уметници, напиша креативниот директор Дениел Розбери.
Исто така нагласија и дека се работи за вештачки животни кои се рачно извајани во вештачко крзно од пена, смола, волна и свила и се рачно насликани за да изгледаат што пореално.
