Покрај многуте здравствени придобивки од бананите, ново истражување покажa дека ова овошје може да биде клучно и за поздрави црева и подобро варење на храната.
Испитувањата покажуваат дека бананите носат огромен број нутритивни придобивки, содржат антиоксиданси кои го зајакнуваат имунитетот и ја намалуваат можноста од хронични болести, стои во истражувањето објавено во Food Chemistry.
Го подобруваат квалитетот на сонот, а растителните влакна го забавуваат варењето што помага за чувствот на ситост подолго време.
Во 2021 година, истражувачи од Австралија прегледаа повеќе од 50 претходни студии за да проучат – како цревата влијаат на човековото целокупно здравје. Истражувањето, објавено во Journal of Gastroenterology and Hepatology, ја открива важноста на избалансираниот микробиом.
– Микробиомот се бактерии кои живеат во нашите црева. Се верува дека колку е поголема нивната разновидност во цревата, толку цревниот микробиом е поздрав, вели Дејна Елис Ханс, авторка на трудот.
Пробиотиците се живи бактерии што се наоѓаат во ферментираната храна и додатоците. Тие се „добри“ бактерии во рамнотежата на микробиомот. Овие здрави бактерии ги добиваме и од бананите.
Друга придобивка што бананите ја имаат при варењето е намалувањето на надуеноста во телото. Растворливите пробиотски влакна во овошјето, помагаат и при запек – чест виновник за непријатната надуеност. Високото ниво на калиум во бананите, исто така, им помага на бубрезите да го исфрлат вишокот вода и сол од телото, поттикнувајќи диуретичен ефект којшто го намалува задржувањето на водата.
