Најдобриот играч на Далас Маверикс, Лука Дончиќ беше исклучен од натпреварот против Минесота Тимбервулфс.
Маверикс загубија со 116:106, а Дончиќ не го одигра натпреварот на своето стандардно ниво. Заврши со 19 поени, шутирајќи со нешто помалку од 30 проценти успешност од поле.
Тој се пожали на прекршок на крајот на третата четвртина и беше исфрлен од судијата. Во заштита на Дончиќ дојде и тренерот Џејсон Кид, кој исто така беше исклучен поради приговори.
Тимбервулфс до победата ги предводеа Ентони Едвардс и Наз Рид и двајцата постигнаа по 27 поени.
