Исчистете го скршеното стакло со овие едноставни трикови без страв од повреда.
На сите им се случило при перење или користење стакларија да испадне, да се скрши, а стаклото да се разлета на сите страни низ кујната. Луѓето обично посегнуваат по правосмукалка за да ги соберат остатоците, но понекогаш тоа не е погодно, ниту е вистинското решение, особено ако имате правосмукалка со хартиена кеса.
Чистењето на поголеми делови кои се гледаат е полесен дел од задачата, опасни се оние мали делови кои лесно ја пробиваат кожата на стапалата или рацете. За брзо чистење на стаклото без правосмукалка, испробајте ги следните трикови на подлоги како паркет, плочки, па дури и тепих.
Земете еден компир со која било големина, но по можност што поголем, пресечете го на половина и притиснете ја внатрешната страна до подот каде што сте го скршиле стаклото. Остатоците ќе се заглават во зеленчукот, кој потоа мора да го фрлите.
Парчињата стакло ќе се залепат директно на меката внатрешност на лебот, а дополнителен плус е тоа што парчето леб има поголема површина, па работата се завршува побрзо.
Како што можете да собирате влакна или конци од облеката со селотејп и леплива лента, истото можете да го направите и со стакло. Овој трик најдобро функционира на меки површини, како што се теписите. Завиткајте ја леплива лента околу вашата дланка неколку пати за да биде целосно покриена раката и започнете со работа.
Кујнска хартиена крпа е од голема помош во куќата, а можете да ја користите и за собирање стакло. Преклопете ја хартијата неколку пати, намокрете ја под благ млаз вода и соберете го стаклото како што би го избришале подот. Ова ќе ви помогне само на мазни површини - како што се штици, плочки и паркет.