Како да го научите детето да им помага на другите, но без да се жртвува себеси?

Едeн од поважните периоди во животот на детето е кога ќе се запише во средно училиште. Тогаш се менуваат многу работи во неговиот живот - се спријателува со многу луѓе, созрева и станува помалку зависно од родителите.

„Овој период е тежок и со многу предизвици, но и убави моменти“, објаснува Хелен Рис, психијатар на Харвард.

Во овој период децата вложуваат во пријателствата и даваат сè од себе.

Додека децата го развиваат својот идентитет, имаат желба да бидат препознаени од околината, имаат потреба да им покажат на родителите дека знаат како да се грижат и како да им помогнат на блиските пријатели.

Но, како да го научите вашето дете да биде добродушно, но сепак да постави граници и да не се жртвува себеси?

Пофалете ги

Децата во овој период од животот функционираат во многу комплексни мрежи и односи и понекогаш им е многу тешко да направат некоја поголема промена бидејќи имаат помалку слобода и автономија во својот социјален живот за разлика од возрасните.

На пример, детето може да престане да се дружи со некое дете од одделението, а потоа да биде на некоја заедничка задача со него.

Следете ги тие односи и пофалете ги кога ќе забележите дека направиле нешто корисно за проектот, без оглед на тоа дека се скарани со пријателот и без разлика на тоа дали постигнале резултат или не.

Почитувајте ја нивната природа за самостојност

Иако можеби ќе сакаат да му помогнат на пријателот, многу често знаат да се затворат во себе или да се бунтуваат доколку им кажувате како треба да се однесуваат.

Многу е тешко да го гледате вашето дете како поминува низ стресни ситуации или низ неуспех, но треба да му дозволите самото да стекне позитивни или негативни искуства од некое пријателство. Секако, доколку забележите дека се наоѓа во сериозна ситуација, тогаш ќе му ја понудите вашата помош и поддршка.

Обидете се заедно да најдете решение за проблемот

Потсетете го вашето дете дека не мора само да го решава секој проблем којшто ќе му излезе на патот. Обидете се да му го објасните и да му помогнете.

Помогнете му да сфати дека не е виновно за секој проблем. Едноставно, има многу расипани луѓе на коишто ќе им помогне, а потоа нема да му возвратат со иста мерка кога нему ќе му биде потребно.

Научете ги да ги препознаваат „крадците“ на позитивна енергија

Истражувањата покажуваат дека децата се однесуваат слично како и нивните врсници. Но, постои и нешто коешто помеѓу луѓето е познато како „енергетски вампир“, па често се спријателуваат со некои коишто ќе ги понижуваат. Научете ги да ги препознаат таквите пријатели за да не дадат сè од себе помагајќи на некој пријател, а потоа да ја загубат самодовербата и да бидат повредени.

Помогнете им да не веруваат во стереотипи

И мажите треба да ги искажуваат емоциите. Научете го вашето дете дека нема ништо лошо во тоа, но ваша задача е да му покажете како да прави баланс помеѓу тоа да им помогне на другите и да го чува сопствениот интегритет.

реклама

Живот

Лилјана, Христијан и Емри се пациентите кои добија нов бубрег

Read more

Конор Мекгрегор ја запроси Ди по 12 години врска

Read more

„Татко ми без размислување го даруваше неговиот бубрег за да го спаси мојот живот“

Read more

Медицинско чудо: Бебе во „водена обвивка“ се роди на ГАК

Read more

Магазин

  • play_arrow

Што се случува во телото кога јадете брза храна?

Читај повеќе
  • play_arrow

Најдобри вежби за стомачни мускули, научно докажано

Читај повеќе

Психопатите и нарцисоидните луѓе почесто не ги почитуваат мерките за заштита од COVID-19

Читај повеќе

Лилјана, Христијан и Емри се пациентите кои добија нов бубрег

Читај повеќе
  • play_arrow

Идеја за ручек: Тестенини со лосос по рецепт на Џејми Оливер

Читај повеќе
  • filter

Конор Мекгрегор ја запроси Ди по 12 години врска

Читај повеќе

Објавен првиот Водич за справување со невролошки заболувања во услови на COVID-19

Читај повеќе
  • play_arrow

Направете сами: Здрави летни коктели за разладување

Читај повеќе
  • play_arrow

10 вежби за слабеење кои секој може да ги прави дома

Читај повеќе