Домашниот леб печен во тенџере стана сè попопуларен на социјалните мрежи, а иако изгледа комплицирано за правење, всушност не бара посебни вештини за подготовка.
Она по кое се разликува од обичниот леб е крцкавата кора.
Потребни состојки:
500-600 грама брашно
една кафена лажичка прашок за печиво
една кафена лажичка сол
три мали лажички сув квасец
една кафена лажичка брашно
една кафена лажичка шеќер
100 милилитри млака вода за квасецот
200 милилитри вода за печење на лебот
Подготовка:
Во 100 милилитри млака вода измешајте квасец, шеќер и една лажичка брашно и оставете го настрана малку. За тоа време измешајте ги брашното, прашокот за пециво и солта. Додадете ја смесата од квасецот во садот со брашно и нежно замесете. По потреба додадете уште млака вода.
Кога ќе го замесите тестото, оставете го на топло место два часа, па замесете го и обликувајте го во топка. Ставете лиено или метално тенџере со капак да се загрее во рерна на 220 степени Целзиусови околу 15 минути.
Внимателно префрлете го лебот во загреаното тенџере и поклопете го. Продолжете да го печете лебот на иста температура околу 30 минути, извадете го капакот и печете уште 10 минути додека не добие крцкава кора.
