Платформата Zoom има опција Чекалница (Waiting Room) која домаќинот (host) на повикот може да ја користи за да им дозволува пристап до состанокот на другите учесници.
Наместо сите кои добиле покана со код сами да се приклучуваат на Zoom состанокот, со оваа опција се ставаат во Чекалницата. Домаќинот на повикот ќе добие нотификација и може да одлучува дали да им дозволи или одбие влез на учесниците.
Ова може да биде изведено индивидуално или групно, во зависност од тоа колку луѓе има во Чекалницата.
Опцијата Чекалница би требало да е автоматски вклучена во вашиот Zoom профил. Ако не е, може да ја најдете во Напредни подесувања (Advanced Settings) пристапувајќи преку веб-страницата Zoom.
Во видеотуторијалот на Howfinity детално ќе научите како да ја активирате и користите оваа опција.
