Француската салата е неизбежен дел од празничната трпеза и традиционално се подготвува низ целиот Балкан, вклучувајќи ја и нашата земја.
Иако голем дел од состојките се прилагодени на желбите на семејството, оригиналниот рецепт е уникатен и добро познат на сите.
Го споделуваме со вас овој рецепт за највкусната француска салата што ќе ги воодушеви сите за празниците, а вие можете да направите и „пробна тура“ за да го усовршите рецептот.
Состојките се добро познати, но при подготовката треба да се обрне внимание на неколку трикови кои ќе помогнат салатата да не биде тешка и ќе ѝ дадат побогат вкус.
Состојки:
450 гр замрзната мешавина од грашок и моркови
300 гр компири
200 гр кисели краставички
сол
360 гр мајонез
¼ јаболко „грени смит“
2 лажици павлака
1 лажичка сенф
црн бибер
сол
Подготовка:
1. Ставете ја замрзнатата мешавина од зеленчук во зовриена солена вода и варете околу 10-15 минути додека не се сварат грашокот и морковот. Во исто време во друг сад со солена ладна вода ставете компири со лушпа да се варат додека не омекнат доволно. Важно е компирот да се вари цел во лушпата за да не се распадне.
2. Исцедете го и изладете го грашокот и морковот, а откако ќе се оладат компирите излупете ги и исечкајте го на еднакви парчиња. Потоа исечкајте го киселото јаболко за да ѝ дадете свежина на салатата и додадете го во садот со сечкан зеленчук.
3. Измешајте го мајонезот со сенфот, павлаката, сол и бибер и додадете ја оваа мешавина на зеленчукот.
4. Додадете и ситно сечканите кисели краставички измешајте сè заедно. Изладете ја салатата и послужете ја декорирана со магдонос.
Бонус совет: Сечете го зеленчукот на парчиња со големина на замрзнатиот зеленчук што е веќе исечкан, за да добиете рамномерна смеса и еднакви залаци од салатата.
