Како да направите домашно „ДУБАИ“ чоколадо?

„ДУБАИ“ чоколадото стана апсолутен хит.

Го освои интернетот, ги наполни продавниците, па затоа Coolinarika објави рецепт за да можете сами да го направите дома.

Состојки:

- 400 гр чоколадо

– 30 гр путер

– 150 гр кадаиф

– 200 гр крем од ф'стаци

Подготовка:

1. Во голема тава на средна температура растопете го путерот. Додадете го сечканиот кадаиф и потпечете го додека не порумени и не стане крцкав. Внимавајте да не изгори! Тргнете од оган и оставете да се излади.

2. Во сад погоден за микробранова печка или на пареа растопете го чоколадото додека не стане сјајно.

3. Во калап по ваш избор (најдобро силиконски) истурете тенок слој од растопено чоколадо и премачкајте ги страните на калапот. Ставете во фрижидер 10 минути да се стегне чоколадото.

4. Во еден сад измешајте го препечениот кадаиф со кремот од ф'стаци додека не добиете хомогена смеса.

5. Извадете го калапот за чоколадо од фрижидер. Наполнете го секое место од калапот со слој од смесата кадаиф и ф'стаци, оставајќи малку простор за завршниот слој чоколадо. Израмнете ја смесата со лажица.

6. Со преостанатото растопено чоколадо прелијте ја смесата за кадаиф, рамномерно распоредувајќи ја. Калапот вратете го во фрижидер и оставете да се стегне 30 минути до 1 час.

7. Внимателно извадете ги чоколадните парчиња од калапот. Чувајте ги во фрижидер до сервирање.