Водата е многу важна за одржување на нашето здравје.
Доволното внесување течности ни помага да го подобриме варењето, да го забрзаме метаболизмот и да ја регулираме телесната температура.
Дехидратација се случува кога не пиеме доволно вода или кога брзо губиме вода преку, на пример, потење, повраќање или дијареа.
Одредени лекови како диуретици (таблети за исфрлање вода) може да доведат до зголемено мокрење, а со тоа и до дехидратација.
Но, како да препознаете дека на телото му недостасува вода? Иако симптомите не се секогаш многу забележливи, сепак може да се забележи недостигот од внес на вода.
Знаците дека вашето тело е дехидрирано вклучуваат:
- главоболка
- збунетост
- замор
- вртоглавица
- слабост или зашеметеност
- сува уста
- забрзан пулс
- низок крвен притисок
- губење на апетит
- зголемена желба за шеќер
- црвена кожа
- отечени нозе
- грчеви во мускулите
- нетолеранција на топлина или студенило
- запек
- урина со темна боја.
