Досегашните студии покажаа дека за долг живот е потребно да одржувате пријателства, да го задржите позитивниот став, да не бидете премногу изложени на стрес и да имате добри гени.
Mental Floss одвои неколку совети од најстарите луѓе во светот, за кои веруваат дека им помогнале да доживеат стотка.
1. Гледајте си ја вашата работа
Пензионираната учителка Беси Бери Купер-Браун живеела 116 години. Починала во 2012 година, а додека била жива избегнувала брза храна и сметала дела за долговечност е најважно да си ја гледате вашата работа.
2. Јадете сланина
Сузан Мушат Џонс била најстара жителка на Њујорк до 2016 година, кога починала на 116 години. Никогаш не пушела цигари, не пиела алкохол, не се шминкала, ниту ја бојадисувала косата. Но, затоа, секое утро јадела четири парчиња сланина.
3. Пијте вриена вода
Кристијан Мортенсен починал во 1998 година, а живеел 115 години и 252 дена. Тајната за долговечност ја сметал во дружењето, апстиненција од алкохол, позитивен став кон животот, пеењето, пушењето цигари и пиењето извриена вода.
4. Јадете мед
Фред Хејл имал 113 години кога починал во 2004 година. На 108-годишна возраст влегол во Гинисовата книга на рекорди како најстар возач во светот и прилично го нервирале луѓе за кои сметал дека премногу бавно возат. Повремено пиел виски, но секојдневно јадел мед.
5. Пијте алкохол
Ема Морано починала во 2017 година, на возраст од 117 години. Пред смртта изјавила дека ужива понекогаш да јаде чоколадо, а секој ден консумирала три јајца и пиела чаша бренди.
Ненси Ламерти од Њујорк починала на 105 години и исто така секој ден пиела алкохол. За разлика од Ема, таа пиела вино и пиво.