Досегашните истражувања покажаа дека голем број луѓе чувствуваат здравствени тешкотии во текот на временските периоди. Еден од најчестите проблеми е главоболката што се појавува одеднаш, особено среде опаѓање на температурите и непосредно пред дожд.
Научници од Универзитетот Јанг Минг на Тајван открија дека промените во атмосферата можат да бидат одговорни за појавата на мигрена.
Во студијата учествувале 60 лица со мигрена, а кои воделе дневник со секојдневните навики во текот на една година. Резултатите покажале дека временските прилики можат да предизвикаат мигренски напади, најчесто благи, а најголем причинител е токму падот на температурите.
„Студијата нуди први докази дека главоболките се поврзани со промени во температурите. Ако пациентот е чувствителен на промени, лекарите би требало да му препорачаат како да се носи со разликите во температурата“, вели д-р Шу Џиун Ванг, водач на студијата.
Како да ги ублажиме промените во организмот?
Пијте доволно вода, една од причините за главоболка е токму недоволната хидратација. Важно е да го зголемите внесувањето вода, а намалите пиењето кафе и газирани пијалаци.
Внесувајте магнезиум, помага за опуштање на крвните садови.
Носете квалитетни очила за сонце кои штитат од УВА и УВБ зраци. Незаштитеното изложување на светлина на очите може да предизвика главоболка, особено ако времето е променливо.
