Многумина од вас ги поминуваат студените денови во топлиот дом со книга или филм и наоѓаат секакви активности и изговори за да не вежбаат. Но, тоа е сосема погрешно.
За оние кои одлучија да го изгубат вишокот калории оваа зима, фитнес тренерите ги советуваат како да започнат со вежбање доколку се почетници.
За да ослабете, мора да согорувате повеќе калории отколку што внесувате, советуваат фитнес тренерите. Ќе ви помогнат вежбите за брзо слабеење, но и правилната исхрана.
Освен тоа, внимавајте на внесот на храна, на нејзината хранливост и квалитет.
Доколку вежбате, но ви е потребен уште еден начин за ефективно слабеење, при крајот на денот пешачете или возете велосипед 30 до 45 минути.
Како да слабеете дома?
Лесните и едноставните вежби може да ги практикувате секој ден во вашиот дом. Може да практикувате и интензивни вежби, но во тој случај, еден ден од неделата нека ви биде ден за одмор.
За брзо слабеење, се препорачуваат барем 150 минути умерени кардио вежби седмично или 75 минути интензивни кардио вежби седмично. Кардио вежбите правете ги во интервали.
Џогирајте во место 30 секунди на секои 5 минути.
Правете склекови и вежби со тегови барем два пати неделно. Се препорачува да правите еден сет од 8 до 12 повторувања за да ги зајакнете мускулите, а потоа наредната недела може да направите уште два сета. На овие вежби посветете од 30 до 60 минути два пати неделно.