Интер синоќа се намачи со Емполи, но тука беше одбранбениот играч Андреа Ранокија кој во стил на Златан Ибрахимовиќ со акробација постигна ретко виден гол.
Симоне Инѕаги настапи со комбиниран состав давајќи им шанса на фудбалерите со мала минутажа, а меѓу првите единаесет се најде и поранешниот капитен Андреа Ранокија кој и сега ја доби честа да ја носи лентата. За централниот дефанзивец, кој во февруари ќе полни 34 години, синоќешниот натпревар беше само шести сезонава.
„Нераѕурите“ поведоа со голот на Алексис Санчес во 13. минута, но Емполи во вториот дел направи пресврт со головите на Недим Бајрами во 61. и несреќниот автогол на голманот Андреа Раду во 76. минута.
Интер беше на прагот на изненадувачка елиминација уште во осминафиналето, која во судиското надополнување Ранокија по една спуштена топка од Един Џеко со акробатски шут, налик на мајсториите на Ибра, ја закова топката во мрежата на гостите и го прати натпреварот во продолженија.
Ранокија од порано е познат како дефанзивец кој знае да се снајде и во нападот, но обично головите ги постигнувал со глава. Синоќешниот му е 22 гол во кариерата во сите официјални натпреварувања, вклучувајќи и 13 во Серија А и 2 во премиер лигата (кога како позајмен играше во Хал).
Во 104. минута од првото продолженија Стефано Сенси постигна гол за 3:2 и победа на тимот од Милано. Во четвртфиналето Интер ќе игра со победникот од вечерашниот дуел на Рома и Лече.
