Една од најгледаните серии што ја паметиме од 90-тите години е „Baywatch“. Атрактивните актери цели 12 години го имаа вниманието на публиката, а потоа многумина од нив исчезнаа од јавната сцена. Но, тоа не беше случај со популарниот Мич Бјукенон, односно Дејвид Хаселхоф.
Освен што ќе остане запаметен како некој кој постојано го привлекуваше вниманието на женската публика со своите беспрекорни пливачки способности и совршеното мускулесто тело, Дејвид ќе остане запаметен и како најгледаната машка личност на малите екрани.
Мускулестиот миленик на жените не се прослави само во телевизиските улоги туку покрај филмската кариера имаше и многу успешна музичка кариера во Германија, Австрија и Швајцарија.
Кога станува збор за неговиот љубовен живот, се има оженето три пати, последен пат во 2018 година.
Иако неодамна наполни 69 години Дејвид не престанува да привлекува внимание и под неговите објави на Instagram постојано добива комплименти.
